الزمالك فى اسبوع 3

Written by  وليد رشوان
Published in وليد رشوان
السبت, 19 نيسان/أبريل 2014 21:51
Rate this item
(0 votes)

الزمالك فى اسبوع 3

Advertisement


 


الزمالك – حرس الحدود:

انتصار ثانى على التوالى على فرقة ليست بالسهلة,, ثلاث نقاط جديدة فى مشوار الزمالك للتأهل للمربع الذهبى ان شاء الله

التعليق الفنى باختصار شديد:

استمرار ميدو فى تغيير خطط اللعب,, شوط اول عقيم شوط تانى افضل بكتير بعد نزول البدلاء وهدفين ولا اروع واستمرار ظاهرة تهديف الناشئين والمهم عندى ال 3 بنط حاليا

الزمالك – المنيا : انتصار ثالث على التوالى على فريق شاب سريع غير منضبط تكتيكيا ..ثلاث نقاط سهلة متوقعة تصل بالزمالك للنقطة 25 تصعد بالزمالك للمركز الثانى فى مجموعته بفارق 5 نقاط عن بتروجيت وبماتشين أقل فى اللعب

التعليق الفنى :

ماتش سهل جدا امام فريق مندفع ببلاهة وخطوطه متباعدة لكن كعادة الزمالك يصعب المهمة على نفسه

بريكورد عالمى من التمريرات الخاطئة من جميع اللاعبين بدون استثناء واصرار غريب على ارسال الكرات الطويلة بدلا من الباصات القصيرة والاختراق .. علامات تعجب كثيرة على مستوى حازم امام وعمر جابر ونور السيد ولا تعليق على مستوى فتح الله وصلاح سليمان,, الفريق يبدو عليه الاجهاد وتدنى المستوى البدنى وعدم التركيز ولكن استمرار الفوز حتى فى ظل تدنى المستوى مهم فى هذه المرحلة من الدورى.

ياسر ابراهيم

  هدف ولا اروع فى مبارة الحرس ساهم فيه مدافعى الزمالك رأسية من فتح الله يتصدى لها الحارس تصل لياسر يتقمص دور راس الحربة الذى لانمتلكه ويدور بجسده بمرونة يحسد عليه ويحطها زى مابيقول الكتاب من خرم ابرة بين المدافع والحارس والعارضة,,, هدف جميل من متابعة ومهارة لناشىء جديد ويارب تستمر ظاهر تسجيل الناشيئن بعد اوباما ومصطفى فتحى,, يحسب لياسر ايضا نجاحه فى متابعة الكرة بعد ضربة الجزاء وتطفيش الكورة (فى ناس زعلانه انه طفش ماصنعش منها هجمة ودول نديهم رقم رئيس النادى يرد عليهم)

أحمد على :

هدف بمجهود فردى انهى لقاء الحرس وهدف بخلفية رأسية عكس سير المبارة فتح الباب لفوز غالى على المنيا ,,قلنا الاسبوع اللى فات انه لازم يكمل ولازم مشاكله تتحل لانه فنيا الاعلى فى المركز ده حاليا فى الزمالك...

عبدالواحد السيد:

اخيرا ينجح فى فك العمل الخفى المدفون تحت مدرجات زامورا ويمنع احد مرتدى الفانلة السابقين من التسجيل من ضربة جزاء فى مبارة الحرس... شابوه لوحيد على تالقة فى الفترة الاخيرة

فتح الله – صلاح سليمان : تركيبة لا تجيد اللعب سويا لتميز الثنائى بالبطء الشديد .. مسئولين بصورة اساسية عن ظهور خط هجوم المنيا المراهق كأنه خط هجوم ليفربول..

مؤمن زكريا : لاعب مخلص جدا بغض النظر عن اى حال للفريق تراه دوما مجتهد يحاول لاخر دقيقة ,, هدف المنيا يستحقه تماما مكافأة من الله على اجتهاده واخلاصه ... هدف رائع رائع رائع الله عليك يابنى " يارب مجلس الادارة يفوق ويخلص اللاعب بيع نهائى بدل مانندم عليه زى سيسيه

محمد قاعود مهاجم المنيا :

يستحق ان يقتسم معه لاعبى الزمالك مكافأة الفوز بمبارة المنيا

ابراهيم صلاح: مضى للاهلى لا 4 اندية سعودية بتفاوضه لا هو زملكاوى ابا عن جد وبيحلم بسور النادى والمزز المعدية عنده كل يوم ,, كل ده مايهمش المهم ان رئيس النادى فى يوم تتويجه بالرئاسة قد وعد بان يكون اول صفقات الزمالك ... ادينا مستنين

هشام زكريا:

معرفوش

الحضرى:

يبدو أن هدف مصطفى فتحى سيكون فاتحة خير عليك .. فهاهو هو محمد سعيد لاعب القناة يحرز هدفا اباحيا اخر بعد اسبوع ,,, أرى ان تفكر جيدا فى الاعتزال والتفرغ لمحل البطيخ .

عقد الرعاية الجديد:


140 مليون جنيه فى 4 سنوات ,, للوهلة الاولى تظن انك امام اول نجاح للمجلس الجديد وقد يشطح بك الخيال لتصور النجوم التى سيوقع معها الزمالك بالفلوس اللى مالهاش اخر,, لكن بعد ظهور التفاصيل :

_ 80 مليون جنيه كاش فى 4 سنين و60 مليون جنيه مرتبطة بالنتايج ودى مالناش دعوة بيها لانى مش هاربط مستقبل النادى بمدى قدرة جعفر على التسجيل من انفراد او مزاج حازم امام اول الماتش رايق ولا لا

_ 20 مليون جنيه فى السنة عقد لا بأس به كرعاية ولكن ان يتضمن العقد بث حصرى لمباريات الفريق المحلية فى الدورى والكاس وافريقيا فهذا عبث أن تبيع كل مايخص النادى من اعلانات ملعب وفانلة وبث حصرى بهذا المبلغ الذى لايساوى اصلا نصف عقد رعاية المنافس فى الموسم

المدير الفنى للزمالك ميدو :

_انا مع التجربة مليون فى المية ,, زملكاوى للنخاع عنده من الفهم الكروى والخبرات المتراكمة من مدارس مختلفة مايمكنه من ان يكون نواة مشروع مدرب كبير,, لازم نصبر عليه كجمهور لازم تصبر عليه الادارة والاهم من ده كله لازم ميدو مايزهقش,, التدريب مهنة رخمة عشان تنجح فيها لازم تديها 100% من تركيزك ولازم يبقى فى صبر واصرار على التعلم من الاخطاء ومجهود 24 ساعة فى اليوم لازم ماتسمعش كلام اعلامى المصاطب بس لازم برضه ماتديش ضهرك للى بينتقدك لصالح الفريق.

_ على فكرة ميدو مابيقلدش مورينهو فى لبس البدلة والخروج بدرى من المبارة لا ده كمان بيقلد ارسين فينجرز فى الدفع باللاعبين الصغار وبيقلد السير اليكس فى الروتيشن وبيقلد كونتى فى تسريحة شعره وبيب جوارديولا فى الباصات القصيرة ,,اللى يخرب بيت الوصلة اللى خلت اعلامى المصاطب يعرفوا ام المدربين اللى فاتو دول كلهم

اخيرا همسة عتاب لميدو:


فى ظل عدم صرف مستحقات اللاعبين وعدم اتمام اى صفقات جديدة او صفقة رعاية للان ويشيد برئيس النادى لانه شرشحله اتنين مضايقينه يبقى فاهم وظيفة المجلس غلط ,, احنا ممكن نتعاقدلك مع خالتى فرنسا تقوم بالمهمة دى


وليد رشوان




 

 شارك برأيك من يستحق التجديد و البقاء و من يستحق الرحيلtwiztvz












Read 9151 times Last modified on الإثنين, 19 أيار 2014 11:01

المباريات المقبلة

zamalek.tv

Connet With Us

اتصل بنا

Tel: 00201001230617

Email: عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

Website: http://www.zamalek.tv

 

Our Sponsors