Print this page

مسابقة صوبر

Written by  علاء عطا
Published in علاء عطا
الأحد, 07 كانون2/يناير 2018 15:12

Rate this item
(5 votes)
مسابقة صوبر

Advertisement

سؤال محير بالتأكيد، اليس كذلك؟ مثل البرامج الهزلية التي تخفي انف صاحب الصورة وتطرح السؤال وتجد المكالمات المصطنعة تارة تجيب " عمرو دياب" والمذيع يجيب "اجابتك خطأ يا مصطفى"، ثم مكالمة أخرى " عادل امام" فيجيب " لا يا محمد حاول مرة أخرى"، ومكالمة ثالثة بصوت ناعم " شيرين عبد الوهاب؟" فيرد سريعاً المذيع " لا يا نهى ،حاولى مرة كمان"!
والآن جاء دورك عزيزى القارىء ان تجيب من هو صاحب الصورة كنوع من التسهيل على سيادتكم سأطرح بعض الأشياء التي قد تسهل عليكم الإجابة.

صاحب الصورة بعد لقاء القمة سيخرج علينا في حالة الهزيمة –لا قدر الله- من الغريم التقليدي قائلاً " نيبوشا خرب الفريق وسابو منهار " " فيه 3 صفقات صوبر بنخلص منهم عنتيل افريقي هداف الدورى النرويجى" " يا بيه احنا كنا بنفاوض 3 مدربين عالمين واحمد ابنى كان هيسافر على حسابه عشان يخلص واحد فيهم بس ماكنش فيه وقت غير لايهاب جلال " " العتال يا بيه بث روح الانهزامية في اللعيبة لما ايد هدم النادى النهرى اللى كان اللعيبة بتحبه زى دريم بارك"  "يابيه نيبوشا كان لازم يمشى بس افاعى الاعلام، سامعنى يا ملعب شريف، هاه، سامعنى ولا أقول كنت فين ليلة الماتش وبتعمل ايه مع مين، المهم يا بيه، افاعى الاعلام بالاتفاق مع ممدوح عباس واحمد سليمان وملكة جمال كمبوديا وتاجر مخدرات كوبى اجتمعوا في بنسيون كاليفورنيا  بالمهندسين عشان ينتقدوا اقالته بس للأسف يطلعوا يقولوا مرتضى دمر الفريق" " يابيه نيبوشا بيحب ويكره يا بيه، ده بيقول ا"خ"مد رفعت، مش احمد، ماقالوش ولا مرة احمد بيقولوا اخمد عاوزين ايه تانى" " مدرس الألعاب اللى كان مع نيبوشا طلع مدرس العاب مونتنيجرى شغال بعقد في الأردن في مدرسة ثانوى صنايع والنصاب جايبه على انه مدرب لياقة عشان كده يا بيه مفيش لياقة" " فيه شوية لعيبة الفترة الجية مش هتبقى معانا سهرانين على الانستطجرام يا بيه يحطوا صورهم، سامعنى يا ميم الف ولا اكمل اسمك، هاه، وجايين تقولوا مرتضى خسر الفريق" " يابيه انا ماليش دعوة بالخسارة ديه، اسالوا إسماعيل يوسف على هاشطاج #اسال_اسماعيل" " انا عينت علاء مقلد مشرف عالكورة لغاية ما احمد ابنى يوافق يرجع يستم الملف لان احمد مستاء من اللى اتقال عليه بعد ما البلطجى العتال كسب"

اما في حالة حدوث المعجزة وكسب الزمالك فصاحب الصورة هيصرح " يابيه انا انقذت الفريق لما مشين نيفوشا ولا نيبوشا اللى كان هيدمر الفريق" " فيه لعيب اجتمع مع مصطفى عبد الخالق ليلة المباراة واتفقوا انه هيخلى عبد الله السعيد هيعدى منه وهيكعبله جوه المنطقة عشان يحسب ضدنا بنالتى ونخسر، انا بوجهلوا رسالة انا اللى طلعتك من التمنتاشر وهشطبك، هاه"  " إيهاب رئيس جمهورية الفريق وانا هحققله اللى عاوزه عشان ينجح" " لو خسرنا كانوا هيطلعوا يهاجمونى دلوقتى الناس كلها بتشكر في إيهاب اللى انا جايبوا" " معتمد جبان وكان هيخسرنا وبشكر إيهاب وكتيبته اللى مابعوناش زى معتمد وعبد الحليم،سامعنى يا شيشينى ولا افشخلك كريم حسن شحاته" " احنا مافوضناش لا البنظارطى بتاع تونس، اللي ىقاعد يظرط ويقولك فاوضناه، يابيه احنا مابنفاوضش حد وايهاب مكمل بجهازه" " العتال الجبان كان مجهز حفلة لخسارتنا في الفيلا إياها بتاعة التجمع وعازم فيها عباس وسليمان شلة الانس" "فيه متحدث رسمي للفريق وإسماعيل يوسف ماسك ملف الكورة وباذن الله الصفقة الصوبر هتوصل عشان التدعيم" "بقول للعيبة الدورى لسه في الملعب،العب اجتهد واعمل اللى عليك،وهصرف مكافئة اجادة" " بشكر محمود الخطيب على تهنئته ليه بعد انصترانا عليه وهسافر الامارات ادعموا في السوبر تحيه ليه على الروح الحلوة ديه وعشان بيمثل مصر"

الحقيقة انا مارضيتش عزيزى القارىء اسهل صاحب الصورة اكتر من كده،ادعو الله ان يطلع يقول كل اللى اتقال في النص التانى يمكن يكون الفوز الاعجازى القيصرى المنتظر عزانا الوحيد في الأيام الصعبة ديه!

علاء عطا


Advertisement


Read 10906 times

Related items