كل سبت مع علاء عطا "أقوال لم تقــــــــــــال..!"

Written by  علاء عطا
Published in علاء عطا
السبت, 20 شباط/فبراير 2016 17:36
Rate this item
(5 votes)
كل سبت مع علاء عطا "أقوال لم تقــــــــــــال..!" كل سبت مع علاء عطا "أقوال لم تقــــــــــــال..!" كل سبت مع علاء عطا "أقوال لم تقــــــــــــال..!"

Advertisement

فى بعض الاحيان حينما تسمع مقوله لشخص تشعر بارتفاع فى الضغط بما فيه من كم الاستفزاز وربما يتضاعف الضغط فى حالة صمته واحيانا تشعر ان لسان حاله اقوال فى مخيلتك،منذ فترة شعرت ان هناك اقوال لم تقال على لسان هذه الاشخاص وما سأسرده هى امنيات ان ينطقها بهذه الطريقة اوهو ما فى قلبه ولم يصرح به وربما اقوال لم ولن تقال!

*"حينما فعلت الكوبرى فى الكابيتانو تذكرت انها لقطة يعشقها جمهورى ففكرت فقط فى فعل كوبرى اخر عشان نثبت اسم كبارى عليه اما نبقى صحاب ده لامؤاخذه بره الملعب" مقولة لم تقال لعمر جابر الذى صرح انه لو علم من دخل عليه هو حسام غالى لما فعل فيه كوبرى!

*"جئت من اجل تحقيق بطولات وعودة امجاد وادى دجله،اعجبت جداً بالمحشى والملوخية واتشوق الى رؤية مثلى الاعلى فى مصر كابتن ابو تريكة الذى تعلمت منه اساسيات الكرة وان اسلم واسمى نفسى ابو مالودا التريكى" اقوال لم تقال للنجم الفرنسى مالودا لبرنامج مساء الانوار لمدحت شلبى.

*"لو فيه عدل فى الزمالك كان المفروض انا اللى اطلع اعارة اجيب ربع مستوايا اللى نسيته" مقولة لم تقال لحازم امام اللى لازم يشتغل على نفسه كتير اوى عشان يرجع لربع فورمته!

*"الجنزورى فى رئاسة الورزاء،فايزة ابو النجا فى اى حكومة ،وانا فى تدريب حراس مرمى الزمالك" مقولة لم تقال لكابتن ايمن طاهر اللى غالباً هيدرب كابتن رامز احمد الشناوى ومصطفى عبد الواحد السيد يوماً ما وماحدش فاهم ليه مابيتغيرش زى الباقيين!

*"احنا بنتفاوض مع مدربين غاليين اوى وبنسافرلهم عشان نقول اهوه عملنا اللى علينا بس فى الاخر هنجيب واحد فى حدود امكانياتنا وهنقول دواعى امنية وبتاع عشان الناس تقتنع اننا مش عشوائيين"مقولة لم ولن تقال لاحمد مرتضى منصور اللى صرح ان المدير الجديد فى خلال اسبوع والكلام ده من 10 ايام!

*"الحمد لله حققت امنية المستشار بالدفع باتنين مهاجمين وسحبت كل صناع اللعب وبهدى فوز اسوان ليه" مقولة لم تقال لكابتن محمد صلاح صاحب ملحمة تغييرات اسوان!

*"مفيش غالى بيتغالى،قصدى بيتحاكم" مقولة لم تقال للكابيتينو حسام غالى بعد ان تبقى له عم حارث فقط اللى ماتخانقش معاه فى النادى!

*"اسعى فى حلول عام 2026 ان ينتهى برنامجى قبل الفجر بساعة" مقولة لم تقال لمدحت شلبى صاحب اطول برنامج رياضى فى تاريخ البشرية.

*"سنسأل فايزة فى المرة القادمة اذا كانت عايزه فى حالة عدم وجود دواعى امنية لنقل مباراة الاهلى والمصرى" مقولة لم تقال لعامر حسين ولكن ربما تقال قريباً!

*"تدريبى للزمالك كان فرصة عظيمة فى المرة الاولى وكان لازم اشتغل على نفسى كتير وادرس بره واعرف الفرق بين التحليل واللى اتدربت عليه طول عمرى والطرق الصحيحه للتدريب عشان كنت ارجع تانى لتدريب الزمالك على أسس" مقولة لم ولن تقال للعنيد ميدو اللى اضاع فرصة تاريخية انه يبقى مدرب كبير يوماً ما للزمالك بسبب فردية تفكيره.

*"مش عارف فيه ايه بس حاسس انى اتبدلت فى سويسرا" مقولة لم تقال للاعبنا حمودى الذى عقدت عليه الامال وفى انتظار شبه معجزه ليفعل اى شئ جديد يشفع لبقاءه.

*"فى البداية يحاربونك ثم بصراحه عندهم حق فاتعدل شوية والعب جامد اوى وبعدين يقعدونى ويقيدونى وبعدين ارجع **** تانى فاتشتم" مقولة لم تقال للمحير معروف يوسف.

*"حلمت انى رفعت كورة بشمالى فى الدقيقة 90 على راس باسم مرسى فدخلت جول وكانت 3 نقاط حاسمه فى سير الدورى" مقولة لم تقال للمقاتل حمادة طلبة اللى لو عملها اقسم لك سأغير صورة البروفايل بصورتك لمدة شهر،انشرها ولك الاجر.

*"رد فعل اكرامى بعد هدف المحلة ذكرنى بنفس اللى عمله معايا فى مباراة غانا بعد الجول الرابع" مقولة لم تقال لبرادلى وهو لا يشاهد مباراة الاهلى والمحلة.

*"لو كنت مكان احمد توفيق وايفونا يركض نحو مرمى الزمالك بهذا الشكل لتحولت الى هراس وسفلته بارضية الملعب قبل الوصول للمرمى" مقولة لم تقال لحسام عاشور نصحاً لاحمد توفيق!

*"بصراحة ممكن الجمهور يرجع بس انا مكسل آمن بصراحة،انا مبسوط كده،اريحلى" مقولة لم تقال لوزير الداخلية بعد الوعد رقم 232 لعودة الجمهور.

*"طلع نيدفيد ونزل مالودا" مقولة لم تقال لسباستيان مشجع فرنسى على  احد مقاهى فرنسا!

*"نفسى اعرف بيجيبوا الافارقه ديه ازاى،انا كلجنة انهبرت الصراحة"مقولة لم تقال لفيلسوف التحليل ايمن يونس ورئيس لجان الاختيارات المشكلة للافارقة بعد رؤيته افارقة وادى دجلة.

*"الحقيقة انا بحمد ربنا ان مرتضى مش مركز مع شكلى عشان كان ممكن يقفش على فكرة ديل الحصان عالصلعه" مقولة لم تقال لهاردى توفيق مدرب احمال الزمالك.

*"مستر هيثم الظاهر ضحك عليه وبعدين مستر زيزو كنت فاكره هيلعبنى وطلع بيضحك عليه هو كمان"مقولة لم تقال لمستر احمد الشيخ.

*"هو انا باينى هقلب السير فتحى ولا ايه انا بقول لازم مدرب اجنبى" مقولة لم تقال للكابتن زيزو.

*"اتشوق لسماع مهرجان الدخلاوية وتذوق الممبار المصرى والاستمتاع بشمس القاهرة ونيلها وطول ليلها فى ارجاء ميت عقبه" تصريح لريدناب لم يقال تنشره اليوم السابع عن مفاوضات الزمالك معه ووصوله لاى مرحلة من التفاوض.

*"وداعبته ياراجل ده كل اخبارك اللى جاتلى انك شاتم تلات تربع اللعيبة فاجابانى اقسم لك يا كابتن يول سوف اتغير من اجلك وبكى فاجبته هدئ من روعك يا غالى يابنى" تصريح على لسان مارتين يول لم يقال بعد تصريح حسام غالى ان يول اتصل به و برضوا لجريدة اليوم السابع اقوى صحيفة رياضية فى العالم.

*"سألت فان باستن عن يول واجابنى انه مدرب فذ" مقولة لم تقال لمحمود طاهر.

*"فى الوقت اللى انشغل فيه الجميع بمفاوضات ريدناب و قمت رامي طعم للاهلى انه يتعاقد مع مارتين يول هنتعاقد مع مدرب اصبر من أى "صوبر" جيه مصر من اللى انتوا متوقعينه وافتكروا عضلة قلب انتوى وفيروس سى ايفونا" مقولة لم تقال لمرتضى منصور.

*"انا لو حسبت صيام 3 ايام ولا كفارة يمين عالحلفان اللى بحلفه فتقريبا انا عامل بادجيت للكفارة لانى كده هصوم لغاية ما اموت" مقولة لم تقال لمرتضى منصور

*"بصراحة كنت ممكن ابقى اعقل من كده مع فيريرا واهو كنا عملنا مرحلة انتقالية الموسم ده لبقاءه لغاية ما نجيب مدرب جديد مع بداية الموسم" مقولة لم ولن وليس ولكن ولو تقال لمرتضى منصور.

*"اقسم بالله لاجيب اللى كاتب المقال ده بلبوص" مقولة لم تقال لمرتضى منصور حتى تاريخ نشر المقال والعاقبه عندكم فى المسرات!

*"اقسم بالله ما مقالى" مقولة لم تقال لاحمد عز اقصد علاء عطا حتى تاريخ نشر المقال.



 

علاء عطا 


Advertisement


Read 28749 times

zamalek.tv

Connet With Us

اتصل بنا

Tel: 00201001230617

Email: عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

Website: http://www.zamalek.tv

 

Our Sponsors